منتدي حرفوش | لبناء الاجسام | الدفاع عن النفس | تعليم فنون القتال | تربية الكلاب
<div style="text-align: center;">
<strong><span style="color: rgb(0, 102, 0); font-size: 18px;">تابعني علي الفيس بوك</span></strong>
</div>
<div style="text-align: center;">
<strong> </strong><iframe src="https://www.facebook.com/plugins/follow?href=https%3A%2F%2Fwww.facebook.com%2Ff0kakMeNyYaDaSmeR&layout=standard&show_faces=true&colorscheme=light&width=150&height=180" scrolling="no" frameborder="3" style="border:none; overflow:hidden; width:180px; height:80px;" allowtransparency="true"></iframe>
</div>
تصويت

ما هي أفضل عضلة و أكثرها جمالاً في رأيك ؟

 
 
 
 
 
 
 

استعرض النتائج

المواضيع الأخيرة
»  فيسبوك يطوّر "خاصية السلامة"
الثلاثاء أغسطس 29, 2017 3:28 pm من طرف وردة العاصمة

» محفزات هرمون التستيرون الطبيعيه
الأربعاء يونيو 14, 2017 11:47 pm من طرف Asmer

» معلومات مهمة عن عضلة السمانة لو سمانتك مش راضيه تكبر
السبت يونيو 03, 2017 11:55 pm من طرف Asmer

» عاجل .. الوضع الآن من أمام البرج المائل بمنطقة الأزاريطة بالاسكندرية
الخميس يونيو 01, 2017 2:40 pm من طرف Asmer

» التخلص من الوزن الزائد من الكوتيزون
الأربعاء مايو 31, 2017 10:30 pm من طرف Asmer

» علاج اصابات الكتف بالتمرين , ازاي تعالج الاصابه في الكتف ,جتلي اصابه في كتفي
الأربعاء مايو 31, 2017 2:01 pm من طرف Asmer

» ايه هو السن المسموح بيه للعبة كمال الأجسام
الثلاثاء مايو 30, 2017 9:49 pm من طرف Asmer

» نظام غذائي 3000 سعر حراري للاعبين كمال الاجسام (ضخامة)
الثلاثاء مايو 30, 2017 9:46 pm من طرف Asmer

» اماكن تدريب الفنون القتالية في مصر
الثلاثاء مايو 30, 2017 8:42 pm من طرف Asmer

» موضوع كامل عن التمرين في رمضان
الثلاثاء مايو 30, 2017 7:01 pm من طرف Asmer

تابعني علي facebook
تابعني علي الفيس بوك

||بالصور|| قصة تحويل جسم كريم وتغير نظام حياته

اذهب الى الأسفل

||بالصور|| قصة تحويل جسم كريم وتغير نظام حياته

مُساهمة من طرف Mony khaled في الثلاثاء يونيو 17, 2014 6:02 am

السلام عليكم

اولا احب اعرفكم بنفسي ...
انا اسمي كريم 19 سنة في كليه حقوق جامعه المنصورة ..
النهارده انا هاحاول بإختصار احكي قصتي وكفاحي في التحويل TRANSFORMATION
ازاي حولت نفسي وجسمي وشكلي من شخص سمين الي شخص رياضي وجسم متناسق
وازاي اتحولت واتغيرت نظام حياتي واكلي وتأُيره علي صحتي ..

الموضوع دة انا كنت عايز وبفكر اعمله من زمان بس كنت بكسل الصراحه لغايه اما الكابتن
MASTER_SN
قالي ياريت تعمل موضوع وتحط صورك قبل وبعد التغير علشان الناس تستفيد من تجربتي
Smile

*-*-*-*-*-*-*-*-*-*-*-*-*-*

انا ياجماعة كنت شخص بعشق حاجه اسمها الاكل يعني زي ماتقولوا كنت ماشي بمبدأ
= كل اي حاجه في اي وقت =

يعني شيبسي وشيكولاته وكيكات وعصائر وزيوت ودهون والمسبوك والمحمر والمشمر
واديلو وفي اي وقت
يعني راجع البيت متأخر مثلا وجعان والمفروض اني هدخل انام
ممكن لو لاقيت محشي اكل عادي
مكرونة او كشري اكل عادي اي حاجه باكلها وفي اي وقت
اصحي الصبح مثلا اكل 10 توست ايوة ماستغربش 10 رغيف ابيض توست دة غير المكونات اللي فيه دة غير الزيت الكتير المعمول بيه
الطعميه اكلها عادي وبأي كميه ولا كان في دماغي اصفيها من الزيت ولا اي حاجه
باكل وبس
الوجبات بتاعتي كانت 3 وجبات طبعا بس كانوا كبار جدا ولو جعت مابينهم ممكن ادخل اكل عادي جدا مفيش مانع
وكل مدي بتخن بتخن ولا في دماغي
انا كانت عيلتي مش الاسرة بس لا العيلة كلها كانت بتشارك في حالتي دي كانوا بيحبوني جدا
مثلا لو عيد ميلاد عند عمتي تتصل بيا تقولي ماتخفش انا جايبالك مخصوص الكيكة والشيكولاته الملفوفة والمدوره وعينالك منها كتير D:
لو في عزومه قرايبي دايما عارفين اكلي وعاملين حاجاتي مخصوصه
غير كدة وكدة انا كنت باكل وانام عالطول عادي
انا افتكر اني كنت باكل البط مثلا وطبعا الجلد بتاعه كنت بعشقه ومحدش يستغرب ولا يعلق علي الموضوع دة D:
كنت باكل جلد كتير والبط بقي مقلي ومليان زيوت واخلص اكل واغسل ايدي وادخل انام

كل الكلام دة مايجيش حاجه جنب اللي كنت بعمله في الحقيقه بس علشان انا بحاول اختصر بس Smile

طبعا نتج عن الحاجات دي ايه .. ؟
زيادة في الوزن ارهاق - اهاق وتعب من اقل مجهود - نفسي ماكنتش بقدر اخده وبالذات وانا نايم بصحي فجأه ونفسي مكتوم وكنت هعمل عمليات لولا اني خسيت - الله اعلم لو كنت استمريت بالشكل دة كان ممكن يجيلي مرض ايه - الناس الغلسه اللي تعد تتريق عليك وتقولك ياتخين ياقلبوظ - الترهلات اللي في صدري وفي بطني طبعا قمه الاحراج وبالذات اللي في صدري دة ومحدش هيقدر يحس بالإحراج من كدة غير اللي عنده سواء بقي دهون او جينو - غير بقي ان علشان اشتري هدوم كنت بتعذب وفي هدوم ببقي نفسي البسها بس مفيش مقاسي - مكنتش بحب اتصور كتير إحراج برضه ...إلخ

طبعا انا كل مدي اما كنت بكبر كنت بتخن اكتر والصور كتير
وللاسف انا مش فاكر تاريخ كل الصور علشان كدة هعرضها عشوائي ..

انا تخين ...
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 841x424 .

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 549x288 .


دي كانت حياتي ودة كان شكلي وجسمي
بعد كدة بقي قرايبي واصحابي بدأوا ينصحوني يقولولي انت لازم تخس شويه مش هينفع كدة
وانا كنت بنفض كالعادة ...
لغايه اما واحد قريبي من بعيد كان بقالي كتير ماشفتوش وقابلته في يوم ومكنتش هعرفه بسب انه كان تخين وخس جدا
استغربت طبعا هو عمل كدة ازاي وقاعدت اسأله بقي وهو يقولي راح لمين ولعب ايه وعمل ايه المهم الموضوع كبر في دماغي وقررت اني اخس Smile

روحت للصالة والكابتن اللي خسسه وقاعدت عنده كذا شهر العب فيهم جري وبطن وكارديو والكلام دة
وفعلا خسيت الحمد لله وبقيت كدة

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 579x839 .



كان لسه عندي ترهلات طبعا زي ماواضح في الصورة في منطقة البطن والصدر
بس اهو كان احسن من الاول شويه
وصلت لحد كدة وبطلت اروح الجيم وبطلت العب رياضه غير يمكن يوم اما بلعب كورة مع اصحابي
رجعت تاني اكل عادي خالص وزي الاول لغايه اما وصلت للمرحلة دي Sad


هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 768x1024 .




طبعا دي تعتبر بدايه مرحلة الرجوع للتخن تاني يعني انا تخنت اكتر من كدة بس للأسف مالقتش صورة خااالص

فضلت بقي لغايه اما دخلت كلية وانا تخين وبزيد كل مدي ...

لغايه اما خلصت إمتحانات سنة اولي روحت من الكلية دخلت نمت وصحيت لاقيت واحد صاحبي اتخن مني بمراحل بيقولي ماتيجي ننزل الجيم
قولت يالا هخسر ايه ياعني وانا عارف اساسا اني هروح مرة تسليه ومش هروح تاني
يعني روحت ولا في دماغي تصميم ولا ارادة اني اخس رايح اسلي نفسي وخلاص
روحت ولعبت لمدة ساعتين كارديو واجهزة لغايه اما مت
اليوم دة انا فاكره ودة اليوم اللي بدأت العب فيه رياضه بإستمرار لغايه دلوقتي
كان يوم 21/6/2012
فضلت علي الموضوع دة اسبوعين كل شويه صاحبي يتصل بيا ويقولي ماتيجي معايا
لغايه اما فجأه صاحبي سافر أمريكا وبقيت لوحدي مفيش حد يشجعني ...
قاعدت اسبوع ماروحش الجيم لغايه اما والدي لاحظ وقاعد يشجعني اني لازم ارجع تاني الجيم واخس
قولت طيب , رجعت تاني الجيم
وحسيت فعلا مع الوقت ان الجيم واللعب الكتير دة هيجيب نتيجه معايا وبقي عندي اراده وتصميم اني اخس سبحان الله مش عارف بقي هي جت كدة
دخلت علي المواقع وتصفحت المنتديات واكتسبت معلومات كتير جدا عن النظام الغذائي والسعرات الحراريه ... إلخ
وعرفت ان السر في ان يدخل لجسمك سعرات حراريه اقل من اللي بيخرج
وبدأت فعلا اظبط اكلي بس كانوا 3 وجبات منعت الحلويات والشيبسي والبيبسي وكل حاجه وكنت بروح الجيم مرتين في الاسبوع والايام التانيه كنت بلعب في البيت
تصميمي وارادتي اني اخس وصلوني اني العب 3 مرات رياضه في الايام اللي مفهاش جيم
مرة الصبح علي معدة فارغه علشان معدل الايض بيكون عالي جدا وبوصل لنقطة حرق الدهون بسرعة
ومرة قبل الغذاء ومرة قبل العشاء
حتي اما دخلنا علي رمضان كنت بصوم عادي وقبل الفطار بنص بساعة بمارس كارديو لمدة 30 دقيقة
كنت بموت اه ودوقت العذاب كتيير بس الاراده كانت اقوي من كل شئ

فضلت علي الموضوع دة لغايه اما خسيت
ووصلت 75 كيلو بعد اما كنت 98 كيلو
الحمد لله ...

كان عندي ترهلات وعلشان انا كنت مهوس بعضلات البطن ومازلت D:
كان نفسي تظهر جدا علشان كدة قولت الترهلات والجلد دة مش هيتشد غير لما انزل الجيم والعب بقي رياضة الحديد
وفعلا بعد 3-4 شهور لعب كارديو وخسيت قررت انزل اظبط عضلاتي شويه
مكنتش ارعف موضوع التضخيم والتنشيف دة علشان كدة دخلت العب عادي
وطبعا قبل اما انزل كان لازم اقرأ عن العضلات وجداول التمارين واتفرج علي فيديوهات علشان اعرف العب علي العضلة صح
ونزلت الجيم والحمد لله الجسم اتشد وعضلات البطن ظهرت لغايه اما وصلت 70 كيلو
كنت بلعب 4 ايام جيم و3 ايام كارديو صباحا علي معدة فارغه
بس عملت غلطة ضيعت فيها 4 شهور جيم يعتبر بلا فائدة قد كدة
اني فضلت مثبت سعراتي الحراريه علي 2000 ( وكانوا 4 وجبات ) رغم اني كنت بمارس مجهود رياضي شاق
4 ايام حديد و3 كارديو والنتيجه اني نشفت جدا وبقيت عضم وشويه عضلات وبقيت شبه مدمني المخدرات
وشي مشفوط ومصفر والناس تقولي انت عندك السكر ولا مالك في ايه
ووصلت لوزن 65 كيلو
والحمد لله في الفترة دي مجاليش مرض ولا حاجه
بعد كدة بقي عرفتي اني غلط خااالص في النظام الغذائي ورفعت سعراتي الحراريه بالتدريج
2500
3000
3500

وقسمتهم علي 6-5 وجبات في اليوم عالي البروتين وعالي الكارب ودهون مفيدة قليلة
وفعلا بدأ جسمي يرد ويتحسن ووشي بقي احسن بكتير
دلوقتي الحمد لله في الشهر السادس في الجيم متواصل والموضوع خلاص اصبح نظام حياة اساسي
الكل بقي عارف اني باكل 6-5 وجبات
واكلي خالي من الدهون والزيوت المضرة
وبلعب 4 ايام جيم ويوم واحد كارديو
ودلوقتي بقيت 66 كيلو وهدفي اني اوصل لـ 70 كيلو إن شاء الله في اقرب وقت ويكون جسمي كويس ومتناسق
ودي صوري بعد اما خسيت لغايه دلوقتي

TRANSFORMATION
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 651x500 .

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 764x317 .

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 582x1024 .


الصورة اللي فوق دي لسه مصورها النهارده الصبح
انا حاليا في مرحلة تضخيم بحاول اكل واتغذي كويس علشان اكتسب عضلات كويسه نوعا ما

[size=18]*-*-*-*-*-*-*-*-*-*-*-*-*-*

احب اقول في النهاية ان والله ياجماعه الموضوع مش مستحيل انا لغايه دلوقتي بقف قدام المرايا وبستغرب انا وصلت للمرحلة دي ازاي
ازاي قدرت احول جسمي كدة
قبل اما اخس ماكنتش متوقع او مفكر ان ممكن حد يحاول يغير جسمه لكن عرفت واتشجعت اكتر اما دخلت وبحثت علي اليوتيوب ولاقيت ناس كتير اجانب غيروا جسمهم وحاطين صور وفيديوهات قبل وبعد
عرفت ان الموضوع صعب اه وهتتعب بس مش مستحيل
دة غير ان حياتك هتتغير خالص وتماما والناس هتحترمك اكتر وهتكبر في نظرهم وهيسألوك عالطول ازاي قدرت تعمل كدة ...

الحمد لله علي كل شئ وانا راضي بجسمي دلوقتي جدا
وطبعا احب اشكر كل المشرفين والكباتن والاعضاء اللي ساعدوني واستفدت منهم كتير ..

واسف جدا علي الإطالة بس انا حاولت اختصر علي قد ماقدر D:


والسلام عليكم ..
[/size]
avatar
Mony khaled

الجنسية : انثى
كتاباتي كتاباتي : 723
- [ آلتًسجيلٍ » - [ آلتًسجيلٍ » : 14/06/2014
المتصفح :

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى