منتدي حرفوش | لبناء الاجسام | الدفاع عن النفس | تعليم فنون القتال | تربية الكلاب
<div style="text-align: center;">
<strong><span style="color: rgb(0, 102, 0); font-size: 18px;">تابعني علي الفيس بوك</span></strong>
</div>
<div style="text-align: center;">
<strong> </strong><iframe src="https://www.facebook.com/plugins/follow?href=https%3A%2F%2Fwww.facebook.com%2Ff0kakMeNyYaDaSmeR&layout=standard&show_faces=true&colorscheme=light&width=150&height=180" scrolling="no" frameborder="3" style="border:none; overflow:hidden; width:180px; height:80px;" allowtransparency="true"></iframe>
</div>
تصويت

ما هي أفضل عضلة و أكثرها جمالاً في رأيك ؟

 
 
 
 
 
 
 

استعرض النتائج

المواضيع الأخيرة
»  فيسبوك يطوّر "خاصية السلامة"
الثلاثاء أغسطس 29, 2017 3:28 pm من طرف وردة العاصمة

» محفزات هرمون التستيرون الطبيعيه
الأربعاء يونيو 14, 2017 11:47 pm من طرف Asmer

» معلومات مهمة عن عضلة السمانة لو سمانتك مش راضيه تكبر
السبت يونيو 03, 2017 11:55 pm من طرف Asmer

» عاجل .. الوضع الآن من أمام البرج المائل بمنطقة الأزاريطة بالاسكندرية
الخميس يونيو 01, 2017 2:40 pm من طرف Asmer

» التخلص من الوزن الزائد من الكوتيزون
الأربعاء مايو 31, 2017 10:30 pm من طرف Asmer

» علاج اصابات الكتف بالتمرين , ازاي تعالج الاصابه في الكتف ,جتلي اصابه في كتفي
الأربعاء مايو 31, 2017 2:01 pm من طرف Asmer

» ايه هو السن المسموح بيه للعبة كمال الأجسام
الثلاثاء مايو 30, 2017 9:49 pm من طرف Asmer

» نظام غذائي 3000 سعر حراري للاعبين كمال الاجسام (ضخامة)
الثلاثاء مايو 30, 2017 9:46 pm من طرف Asmer

» اماكن تدريب الفنون القتالية في مصر
الثلاثاء مايو 30, 2017 8:42 pm من طرف Asmer

» موضوع كامل عن التمرين في رمضان
الثلاثاء مايو 30, 2017 7:01 pm من طرف Asmer

تابعني علي facebook
تابعني علي الفيس بوك

قصه كفاح : Marc Fitt

اذهب الى الأسفل

قصه كفاح : Marc Fitt

مُساهمة من طرف Mony khaled في الثلاثاء يونيو 17, 2014 3:57 am


============================

س1 - ازيك ياعم مارك اخبارك ايه ؟ قولنا شويه معلومات عنك (سنه الميلاد - الطول - الوزن)

- والله الحمدلله تمام يابو حميد

سنه الميلاد : 1990
الطول : 177.8 سنتيمتر
الوزن : 78 كيلوجرام

============================

س2 - قولنا بقى امتى كانت اول تمرينه ليك الجيم؟

- البدايه كانت من 4 سنين , لانى كنت مقدم فى كليه الشرطه وكنت محتاج

اضبط جسمى عشان انجح فى اختبار اللياقه , بعد فترة من التمرين حبيت

الموضوع اوى وعشقت الطريقه اللى تقدر تحفز جسمك و عقلك للتمرين

الشديد , ولما بدأت جسمى وعضلاتى تتشكل وتتنسق بشكل جميل , لياقتى بقت

تمام التمام والناس بدأت تلاحظ وبدأت تسألنى وتاخد بنصحتى , فى الاول كنت

بساعدهم فى التمارين فى الجيم بعد كده اتطورت وبقيت بكتب فى مدونه

وبجاوب على اسئله الناس وبقت المدونه مشهورة قوى , فقلت ياواد يامارك

ماتعمل فيديو على اليوتوب , فرحت عامل اول فيديو ليا على اليوتيوب وكان

عنى وانا بتمرن فى الجيم , بعد كده عملت عن التغذيه و التحفيز وكل حاجه

عن كمال الاجسام انا فاهم فيها عشان اساعد الناس اللى عايزه تضبط جسمها

وشايفانى محفز ليهم بعديها بفتره عملت موقع خاص ليا وبحط عليه كل حاجه

وكل الفديوهات والصور بتاعتى .

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 800x600 .

============================

س3 - ايه الاخطاء والحجات الغلط اللى عملتها لما كنت مبتدأ ؟

- والله اكتر حاجه بندم عليها دلوقتى وكنت بعملها لما بدأت انى مكنتش منسق

التغذيه بتاعتى , كنت متعود انى اكل كتير من الاكل اللى ملوش لازمه وغير

صحى ومليان دهون , والله لو كنت خدت بالى ان تغذيتى غلط فى غلط كان

زمانى عندى جسم احسن دلوقتى (بس الحمدلله على كل شئ) , التغذيه ليها دور

كبير اوى فى النتيجه اللى انت عايزها ومحدش المفروض يهملها ابدا .

============================

س4 - كلام جميل ياعم مارك ... تنصح ايه الناس اللى مش ثابته على التمرين ؟

- والله اعتقد ان التشجيع شئ اساسى عشان تكمل فى تمارينك وتكمل طريقك ,

لازم تبقى مركز على الخطه اللى انت حاططها ليك وتلتزم بيها لحد ماتحقق

هدفك ولازم تتعلم ازاى تحفز وتشجع نفسك (انت مش مستنى حد يجى يشجعك

... كل واحد بينفع نفسه) لازم تكون متحفز كل دقيقه وكل يوم عشان دى

الحاجه الوحيده اللى هتخليك مكمل فى طريق التمرين لحدد ماتحقق هدفك ...

ودى حاجه ثابته مش بس فى تمارين الجيم ... بردو فى اى هدف ليك فى حياتك

... خليك فاكر ده دايما , انا علطول كنت بقول للناس لازم تكتبوا اهدافكم اللى

عايزين تحققوها على ورقه وتبصوا فى الورقه دى كل يوم وكل ماتصحى وقبل

ماتنام عشان تخليك متشجع علطول ... لازم يصحوا ويناموا وعقلهم فيه حاجه

محفزه ومشجعه انهم يكملوا لحد مايحققوا اهدافهم ... وحقق الاهداف الصغيره

الاول عشان تعرف تحقق الاهداف الكبيره .


============================

س5 - قولى بقى علطول فى فيديوهاتك بشوف الهاندفرى فى ودنك ... بتسمع ايــه ؟؟؟

- دايما قبل مابدأ تمرينى بسمع شويه خطابات محفزه عشان تشجعنى بعد كده

بشغل اغانى بقى زى هارد روك وميتال وترانس زى ارمن فان بيرون وناس

كتير قوى بتخلينى متحفز دايما .

============================

س6 - ايه الحاجه اللى انت فخور بيها ؟

- انا فخور بأنضباطى والتزامى بالتمرين واللى بكرس له حياتى كلها , انا شاكر جدا وبحمد ربنا على انه خلانى ابقى سعيد باللى بعمله ده وخلانى اعيش حلمى كل يوم .


============================

س7 - انت بتضخم Bulk ولا بتقسم Cut .... ولا ايه بالضبط ؟

- انا بضخم بس فى نفس الوقت مش بدى الدهون فرصه انها تتكون فى جسمى وفى بطنى ..... هو معروف بين الناس ان مينفعش تضخم وفى نفس الوقت تكون مقسم ... بس انا بقولك دى كلام فشتك ..... طبعا ينفع لو التزمت على الدايت والتغذيه الصح والصبر والثبات .

============================

س8 - ايه نوع الكورديو اللى بتمارسه ؟

- انا بجرى حوالى 3 ساعات فى الاسبوع و بسبح ساعه كل اسبوع , بس فى العادة انا مش بعمل كورديو كتير لما اكون فى فترة التضخيم ... يادوبك 10 دقايق لعب بطن كل يوم .... فى نهايه كل تمرين مش بكون عندى طاقه اعمل اى تمرين بطن او تمارين تانيه فبعرف ان جسمى حارق كل الدهون .


============================

س9 - شكله ايه جدول تمارينك ؟

- بالشكل ده (عضلات رجل اماميه - صدر - ظهر - عضلات رجل خلفيه - كتف - دراع )

- عادة لما بكون بضخم ببدأ تمرينى باوزان عاليه جدا (بعد التسخين طبعا) والعدد بيبقى من 6 لـ 8 .... للأول تمرنتين .... انا مؤمن بلو بدأت تمرينك بأوزان تقيله وعدد قليل فانت بتأثر على العضله وبتصدمها بقوة تخليها تكبر غصبن عنها وبتخلى التستستيرون يفرز اكتروالراحه بين كل تمرين والتانى بيبقى دقيقه ونص ......... باقى التمارين بيبقى العدد من 10 لـ15 .... و بغير تمرينتى كل اسبوع عشان مديش فرصه للعضلات انها تثبت على روتين معين .. انت لو تشوف جدول تمارين لاعبين العالميين مش هتلاقى حد بيتمرن التمرينه نفسها مرتين ... فى دى الفكرة .... غير جدولك دايما وده السبب انى بوفر كتير من فيديوهات التمارين على موقعى ... انا باخد يوم راحه لما بحس ان جسمى محتاجه وكمان لما بكون فى المدرسه ويومى كان فيه تعب بأجل التمرين ليوم تانى .

============================

س10 - شكله ايه الدايت بتاعك ؟

- اعتقد مش هيبقى مفيد لحد انى اكتب جدول التغذيه بتاعى (الدايت) .... بص ياعم نينو كل جسم بيختلف عن التانى ولازم تختار الجدول اللى بيتماشى مع جسمك عشان تلاقى نتيجه فى الاخر ... كل جسم بيختلف عن التانى فى كميه الدهون وطبيعه حرق الدهون ... انا بركز على البروتين العالى 260 لـ 300 جرام فى اليوم (طبعا ده على طبيعه جسمى واكيد بتفرق من واحد للتانى) وباكل حوالى 50 لـ 60 جرام دهون (صحيه) والباقى بيبقى كارب وغاليا بيبقى تحت 200 جرام فى اليوم .

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 610x500 .

============================

س 11 - مين الرياضيين ولاعبين كمال الاجسام والموديل المفضليين ليك؟

- والله انا عندى كتير من الناس اللى بحبهم وبتخذهم قدوة ليا واتمنى ابقى زيهم فى اتزامهم فى تحقيق هدفهم وتكريس حياتهم للتمارين والصحه ... بحب مايكل جوردان - ارنولد - كاى جريينى - جريج بليت - مايكل فيلبس وناس كتير تانيين .

============================

س12 - ايه المكملات اللى بتستعملها ؟

- واى اسوليت بروتين (سكوب الصبح على الفطار و سكوب على الغداء وبعد التمرين وقبل النوم) - كازين بروتين ( 2 سكوب قبل ما انام) - بى سى سى أ (الاحماض الامينيه 2 سكوب قبل التمرين وواحد سكوب بعد التمرين ) - جلوتامين (5 جرام فى كل وجبه) - كرياتين 5 جرام فى التمرين - اوميجا 3 - مالتى فايتمن - وكام حاجه تانيه كده

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 610x450 .

============================

س13 - واخيرا ياعم مارك ايه النصايح الـ3 اللى تديها لشباب اللى عايزه تصنع جسم موديل ؟

1- خلى نفسك متشجع ومتحفز علطول.
2-خليك صبور والتزم على خطتك واوعى تيأس .
3- نظم جدولك الغذائى على طبيعى الهدف اللى عايز توصله واوعى تخرج عن مسارك .

============================



============================
ودى كانت نهايه مقابلتى مع مارك لو عجبتكوا تقدروا تعلقوا على المقابله
ولو لقيت رده فعل حلوة هعمل مقابلات مع ناس جامده جدى
avatar
Mony khaled

الجنسية : انثى
كتاباتي كتاباتي : 723
- [ آلتًسجيلٍ » - [ آلتًسجيلٍ » : 14/06/2014
المتصفح :

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى