منتدي حرفوش | لبناء الاجسام | الدفاع عن النفس | تعليم فنون القتال | تربية الكلاب
<div style="text-align: center;">
<strong><span style="color: rgb(0, 102, 0); font-size: 18px;">تابعني علي الفيس بوك</span></strong>
</div>
<div style="text-align: center;">
<strong> </strong><iframe src="https://www.facebook.com/plugins/follow?href=https%3A%2F%2Fwww.facebook.com%2Ff0kakMeNyYaDaSmeR&layout=standard&show_faces=true&colorscheme=light&width=150&height=180" scrolling="no" frameborder="3" style="border:none; overflow:hidden; width:180px; height:80px;" allowtransparency="true"></iframe>
</div>
تصويت

ما هي أفضل عضلة و أكثرها جمالاً في رأيك ؟

 
 
 
 
 
 
 

استعرض النتائج

المواضيع الأخيرة
»  فيسبوك يطوّر "خاصية السلامة"
الثلاثاء أغسطس 29, 2017 3:28 pm من طرف وردة العاصمة

» محفزات هرمون التستيرون الطبيعيه
الأربعاء يونيو 14, 2017 11:47 pm من طرف Asmer

» معلومات مهمة عن عضلة السمانة لو سمانتك مش راضيه تكبر
السبت يونيو 03, 2017 11:55 pm من طرف Asmer

» عاجل .. الوضع الآن من أمام البرج المائل بمنطقة الأزاريطة بالاسكندرية
الخميس يونيو 01, 2017 2:40 pm من طرف Asmer

» التخلص من الوزن الزائد من الكوتيزون
الأربعاء مايو 31, 2017 10:30 pm من طرف Asmer

» علاج اصابات الكتف بالتمرين , ازاي تعالج الاصابه في الكتف ,جتلي اصابه في كتفي
الأربعاء مايو 31, 2017 2:01 pm من طرف Asmer

» ايه هو السن المسموح بيه للعبة كمال الأجسام
الثلاثاء مايو 30, 2017 9:49 pm من طرف Asmer

» نظام غذائي 3000 سعر حراري للاعبين كمال الاجسام (ضخامة)
الثلاثاء مايو 30, 2017 9:46 pm من طرف Asmer

» اماكن تدريب الفنون القتالية في مصر
الثلاثاء مايو 30, 2017 8:42 pm من طرف Asmer

» موضوع كامل عن التمرين في رمضان
الثلاثاء مايو 30, 2017 7:01 pm من طرف Asmer

تابعني علي facebook
تابعني علي الفيس بوك

الموسيقى و علاقتها بكمال الاجسام

استعرض الموضوع السابق استعرض الموضوع التالي اذهب الى الأسفل

الموسيقى و علاقتها بكمال الاجسام

مُساهمة من طرف Mony khaled في الثلاثاء يونيو 17, 2014 12:48 am

موضوعى انهاردة عن الموسيقى و علاقتها بكمال الاجسام


( الموسيقى غذاء الروح )

يعنى ايه الكلام ده ؟ اكيد مش عنصر من الاكل زى الكربوهيدرات و البروتين .. و واحد يجى يسألنى يعنى اجيبلى سى دى عمرو الجديد بدل ما اشترى كيلو لحمة

لا .. المفهوم بسيط جدا
و انت زعلان بتسمع موسيقى .. فرحان بتسمع موسيقى .. بتذاكر بتسمع موسيقى .. بتلعب بتسمع موسيقى .. بتحب بتسمع موسيقى .. نايم بتسمع موسيقى ..... الخ

يعنى الموسيقى شىء اساسى فى حياتنا

طب ايه علاقة الكلام ده بالحديد و شيل و حط و عمال ارزع فى اوزان طول اليوم

اقولك انا .. الموسيقى من اهم عوامل التحفيز فى الجيم .. ازاى ؟

مبدئيا من زمان جدا فى السبعينيات و كل حصص الايروبيكس شغالين على موسيقى .. و لو خدت بالك تمارين الصباح بتاعة القناة الاولى ( هوبا 1 .. 2 .. يمين .. شمال ) مشغلين موسيقى دائما .. طب ليه ؟
اكيد ليها فائدة و احنا منعرفهاش

و بمرور الوقت كان فيه تجربة فى 1998 علشان يعرفوا تأثير انواع الموسيقى المختلفة على الجهاز العصبى و الغدد و التغيرات اللى هتحصل
و النتيجة كانت زيادة فى افراز الهرمونات و منها هرمون النمو GH عن طريق سماع موسيقى ( التيكنو )
--------------------------------
الموسيقى العنيفة مثل ( الهارد روك و الميتال ) بتأثر على الجزء المسئول عن الغضب فى المخ و بالتالى افراز هرمون ( الادرنالين ) و الهرمون ده سبب فى الشعور بالطاقة و القوة لانه بيزود سرعة ضربات القلب و بيوسع الشعب الهوائية

طب و ايه لزمته انك تحس بالغضب و هتنفجر ؟
الغضب و زيادة الادرنالين ده هيخليك سوبر مان فى الجيم .. و تلاقى اعصابك شدت و الاوزان عليت و شوية هتتحول و تاكل الناس اللى معاك

هيجى واحد يقولى ( انا بموت فى عبد الباسط حمودة و عماد بعرور )

هقوله العنب العنب مبيخليش الادرنالين فى جسمك يزيد يا ناصح

طب السؤال اللولبى .. اسمع ايه يا كوتش ؟

الموسيقى اذواق .. زيها زى الاكل
و كل واحد و ليه دماغوا .. فيه اللى غاوى هادى و كلاسيكيات .. و اللى غاوى حاجات صريخ و زعيق .. و اللى غاوى رقص و سامبا ... الخ

( واضح من كلامى انى مذكرتش موسيقى عربى .. بالتالى بلاش منها اصلا فى الجيم .. لا بتودى ولا بتجيب الاغانى العربى ديه )

طب افضل انواع ايه ؟ زى ما قلت فوق ( الهارد روك و الميتال )
و فيها بعدهم ( التيكنو و الهاوس )
لكن هتروح تسمعلى زامفير .. ولا بيتهوفين فى الجيم يبقى انت رايح تنام مش تشيل حديد

واحد يسألنى ( طب انا مليش فى الكلام ده ولا اعرف اساسا يعنى ايه هارد روك و ميتال ولا هاوس ولا غيره .. طب ما تدينى اسماء تراكات ولا حاجة انزلها يبقى اسهل )

هقوله مفيش مشكلة .. هديلك اسماء الباندات نفسها مش التراكات بس و انت نزل براحتك

روك و ميتال:

Evanescence
Linkin Park
System of A Down
Lacuna Coil
Within Temptation
Nightwish
Kamelot
H.I.M.
Nickelback
Three Doors Down
Three Days Grace
Lifehouse
Metallica
Scorpions
Apocalyptica
Cradle Of Filth
Black Sabbath
My Dying Bride
Godgory
Slayer
Pink Floyd
Avril Lavigne
Kelly Clarkson
The Rasmus
Ozzy Osbourne
Katatonia
Aerosmith
Creed
Crossfade
Theatre Of Tragedy
Seether


تيكنو و هاوس:

Tiesto
The Advent
Dave Angel
Aphex Twin
Carl Cox
Basic Channel
David Vendetta
Carlos
Slam
Luke Slater
System 7
UR
David Clarke
The Black Dog
Enigma
East Clubbers
Faithless
Full House
Mylo

كفاية دول و دور على جوجل بقى او اى برامج داونلود Ares, Bear Share مثلا


و ايضا ( الراب و الهيب هوب ) احيانا بيكون تأثيره جيد

و بصورة عامة لازم تكون موسيقى صاخبة و التيمبو فيها عالى علشان ماتنامش فى الجيم

و بغض النظر انى قلت الموسيقى اذواق
بس مينفعش تقولى انا بحب كذا و هروح اسمعه و متوقع انه يجيب نتيجة ! .. لا طبعا .. انا ذكرت افضل انواع فى الموسيقى

واحد هيقولى ( انا بسمع قران و انا بلعب و برتاح نفسيا و الموسيقى حرام و هتخش النار و هتتشوى علشان بتدعوهم الى الفساد )
هقوله الموضوع علمى و ملوش علاقة بالحلال ولا الحرام .. و حكاية القران فى الجيم ديه بتاعتك انت و اكيد مش هقولك متسمعش قران بس الابحاث و التجارب موضحة تسمع ايه و علشان ايه

طب فيه مشكلة كمان .. الجيم بتاعك حقير و مفيهوش حتى راديو قديم
هقولك يا سيدى مش عيب .. مفيش ارخص من ال Mp3 and Mp4 Players
و كمان الايبود لو المادية معاك ماشية تمام
و الاحجام زى ما تحب و المساحات ايضا .. ممكن تخبيه فى شعرك و مش هتحس بيه اصلا .. فا بلاش بخل و انزل على اقرب محل الكترونيات نضيف و اشتريلك اى مشغل اغانى

طب انت عارف كمان ان فيه تجربة تانية لتاثير الموسيقى على الكارديو و لقوا ان الناس اللى بتسمع موسيقى عنيفة ضربات قلبها بتزيد اكثر و بالتالى التنفس و عملية الحرق ؟

يجى واحد ذكى يقولك ( طب مانا كدة هخس لو الحرق عالى )
هسقفلوا و اقولوا برافو عليك .. كلام صحيح
يعنى اسمع موسيقى و انت بتجرى .. تخس اكتر .. ايه رأيك ؟

و كمان الموسيقى هتحفزك جدا اثناء الكارديو .. مش فى الجيم بس .. بدل ما تصحى الصبح و نازل مش طايق نفسك و بتقول ( يا رب توب علينا من الجرى و سنينه ) .. تبقى نازل مستمتع بالجرى و بتغنى و بترقص و انت بتجرى .. و الوقت هيفوت بسرعة جدا صدقنى و كمان الطاقة هتلاقيها شغالة معاك قشطة كأنك عربية B.M.W. و النص ساعة اللى هتجريها هيبقوا ساعة الاربع ولا ساعة كمان

---------------------------------

من خلال الموضوع عرفنا قد ايه الموسيقى مهمة فى الجيم و قد ايه مفيدة و مينفعش تستغنى عنها
و بكدة يكون الموضوع خلص

اتمنى ان اكون افاتدكم و فى انتظار الردود و التعليقات
avatar
Mony khaled

الجنسية : انثى
كتاباتي كتاباتي : 723
- [ آلتًسجيلٍ » - [ آلتًسجيلٍ » : 14/06/2014
المتصفح :

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى